Polis a detene un solo persona durante Lighting Parade na Playa

Un solo persona gara cu switchblade

ORANJESTAD (AAN): Diasabra anochi pa 8:06 pm, Cuerpo Policial conhuntamente cu SMAC a start e parada anochi di Lighting Parade 2026.

   E anochi aki tabata tin un total di 8 grupo, un lastlap y mas o menos 3.510 participante.

   Cuerpo Policial a conta cu 175 personal riba caya e anochi aki, entre otro Polis Uniforma, ME, departamento di recherche,  Motor Unit, K-9 ,  Flex Team, Motor Unit, departamento di trafico,Mobile Commando, OCC, departamento di planologie, personal administrativo  y como  tambe personal di CEA.

   Pa 1:00 am e cabez a yega ex-DOW y pa 2:55 am di Diadomingo madruga e parada a yega final.

   Vocero di Polis, Liliana Rasmijn a splica cu e aña aki a conta cu 1 solo detencion. E detencion tabata pa posecion di arma blanco, esta un switchblade.

   Mirando bek den Carnaval di aña pasa, por a nota cu na aña 2025 tabata tin 8 detencion. E cifra di detencion a baha pa Lighting Parade y autoridad na Aruba ta satisfecho pa cu esey tambe Cuerpo Policial ta contento con e comportacion tabata ta.