Pelicula ‘E Bruha, Bruha’ lo tin su estreno e siman aki na Aruba

ORANJESTAD (AAN): Fin di e luna aki, Desiree Croes di Berea Productions, hunto cu trabao di camera di Semi Chahmi di Chahmi Film Studio,

ta bay estrena na Aruba e produccion cinematografico nobo ytitula “E bruha, bruha”.

   E storia ta saca y adapta for di e storianan cortico di Desiree Croes den su buki “No Mas” (2016).

   E actornan principal di e pelicula ta Desiree Croes hungando e rol di ‘Genoveva’, Addonsito Croes cu e rol di ‘Francis’.  Yvonne Tromp  cu e rol di ‘Dudu’.

   Pero tambe lo tin Yolanda Croes cu e rol di ‘Margarita’, Mirtho Tromp cu e rol di ‘Gabriel’, y Nigel Maduro cu e rol di ‘Indjan’.

   Den e pelicula largometrahe aki bo tin cu puntra bo mes constantemente kico bo lo haci si otro hende cu poder kier kita bo cas for di bo.

   DIARIO a compronde cu Diahuebs awor dia 27 di Maart 2025 tin e premiere, y e siman siguiente publico por bishita e pelicula den cinemanan local. 

 galleryPelicula E Bruha, Bruha lo tin su estreno e siman aki na Aruba/gallery