Partidonan AVP y Futuro ta bay forma un coalicion

Relato final di Informador entrega na Gobernador

ORANJESTAD (AAN): Diabierna e informador, señora Tisa LaSorte, a presenta su relato final na Gobernador di Aruba. A base di su resultadonan, e informador ta conclui cu e partidonan AVP y Futuro conhuntamente kier forma un coalicion.

   E partidonan tambe a yega na un acuerdo riba dos candidato formador, señor Michiel G. Eman y señora Gerlien L. Croes, cu conhuntamente por wordo encarga cu e tarea aki.

   E siguiente paso den e proceso di formacion ta e nombracion di e formadornan door di Gobernador. A base di e Landsverordening integriteit ministers, un persona nombra pa e funcion di formador, cu su consentimento, ta wordo previamente someti na un investigacion di seguridad estatal y un investigacion hudicial.

   E peticion pa haci ambos investigacion ta wordo haci door di e presidente di e Hunta di

Conseho.  E potret pa cortesia di Gabinete di Gobernador.