The content originally appeared on:
Diario
ORANJESTAD (AAN): Diasabra a tuma lugar un tremendo evento special pa e entrepreneurs. Ta trata di e O’stad Incubator Summit ‘Scaling up our future’.
E evento aki ta den conexion cu ‘O’stad200 Incubator’ cual ta un colaboracion entre Impact Hub, Ministerio di Economia , Comunicacion y Desaroyo Sostenibel, Universidad di Aruba y Camara di Comercio.
Esaki tabata un evento habri pa publico unda a trata topiconan manera ‘Digitalization’, ‘Cyber security’, ‘Fintech’, ‘Machine Learning’ y ‘Artificial Intelligence’.
‘Top speakers’, entre nan un representante di Google a comparti nan experticio cu e publico asistente y a entrepreneurs cu ta participando den ‘O’stad200 Incubator’ cual ta conta cu 23 participante, 4 ‘scale-ups’ y 19 ‘start-ups’.
O’stad Incubator Summit tabata hopi exitoso mirando e gran interes di e publico cu a asisti.
