Base di politica mester keda responsabilidad enfrente pan di Pueblo
*Covid-19 a entrega prueba kico ta pasa si mata e industria di turismo
*Aña di Turismo na añanan 80 a entrega Aruba salbabida economico
ORANJESTAD (AAN) — Na caminda pa eleccion 2025, DIARIO ya a prepara Aruba pa loke por spera den mundo politico.
Politiconan cu awor kier bini dilanti, mester prepara nan mes bon pa duna prueba di nan autenticidad pa acepta liderazgo di e pais, cu entre 2009 y 2017 pa medio di e resultadonan di gobernacion di Mike Eman, por a mira con politica populista pa haya voto y mando gubernamental, por destrui un pais.
Na 2020, na momento cu Gobierno Evelyn Wever-Croes a registra e logro historico pa entrega Aruba un balansa financiero positivo, COVID-19 a haci su entrada pa causa morto pero tambe destruccion economico mundial.
Na momento cu Covid-19 a haci su entrada, el a entrega na Aruba e prueba kico ta pasa cu un pais si e kibra su base economico.
Covid-19 a exigi pa scapa bida di hende, cu actividad economico practicamente mester a wordo paralisa y turistanan mester a bandona Aruba..
Ora Covid-19 a haci su entrada, Aruba mester a deshaci di loke ta produci placa pa Pueblo por mantene su mes cu tabata e base economico cu turismo ta produci.
Ora papia di turismo, ta papia di un ala economico abusa, ya cu e ta genera hopi placa riba termino corto y mal maneho no ta wordo mira imediatamente.
Pa awe atende huiciosamente cu turismo mester mira turismo den e perspectiva Arubano, cu ta cuminza cu entrada di e prome hotelnan, lugarnan pa turista keda durante nan estadia na un pais.
E inicio di turismo na Aruba tabata tin dos punto di salida. Na prome lugar e turismo crucero, cu a nace for di e Periodo di Oro despues di e Segundo Guera Mundial, ora reconstruccion di economia mundial a entrega mundo rikezanan enorme na momento cu aviacion a marca pauta di desaroyo sigur ora jet a yena espacio areo.
Na momento cu Aruba a cuminsa prepara pa su Status Aparte, e ultimo Bestuurscollege di Aruba a duna gran balor na turismo cu a culmina pues cu e celebracion di Aña di Turismo, cu a habri porta grandi pa e sector turistico di Aruba na caminda pa Status Aparte, cu tabata e formula di un Aruba realmente autonomo segun e plan di Betico Croes.
Na e momento cu Aruba tabata busca su Status Aparte, mundo tabata den gara di Gueranan di Petroleo y refinerianan rond mundo den problema. Esaki a conduci na ciere di Lago cu a wordo uza pa opositornan di Betico Croes pa kibra e logro di Status Aparte cu tabata e lucha di Betico Croes.
Unabez no tabata tin Betico Croes mas, manera realidad di historia di Aruba lamentablemente ta mustra, otro partidonan por a crece y a introduci un economia completamente dependiente di turismo na Aruba.
DIARIO e tempo a adverti pa hinca tur puito den e mes macuto di turismo na Aruba.
DIARIO a adverti contra e crecemento sin base firme di turismo cu uzo di garantianan, cu a bira e prome disparo contra bienestar di economia di Aruba.
Nel Oduber, cu a bira e lider politico di Aruba, a wordo cuestiona dor di DIARIO tambe ora e kier a introduci un refineria cu a bira Coastal, cu a haci su entrada na Aruba.
Rond mundo tin un problema awe cu turismo debi na e forma cu economianan di paisnan grandi tambe ta demasiado dependiente di turismo cu efectonan peligroso di turismo barata y sin guia pa cual DIARIO a sigui adverti.
Sinembargo, e momento pa a adverti contra turismo, tabata na 1986, ora un explosion turistico sin control, cu hasta a topa cu accion Hulandes, a tuma lugar.
Na e momentonan aki mester tume nota cu Gobierno Wever-Croes a pone un fin na expansion turismo sin limite.
Ta berdad cu varios pais a cuminsa actua contra turismo. Pero mester evita hunga wega politico cu turismo, cu ta entrada principal di Aruba.
Kico a pasa ora Covid-19 a deshaci di turismo? No ta Gobierno mester a duna asistencia pa sigui pone pan riba mesa?
DIARIO a saluda e plan di Gobierno Wever-Croes pa pone un maximo na turismo, cu na Aruba ta di calidad y no por wordo compara cu turismo barata na paisnan manera Hulanda.
Na un momento mundial peligroso, Aruba no por hunga cu e entrada principal di e pais cu mas bien mester uni pa enfrenta uno di e temporadanan economico mas dificil a base di cambio di clima, cu ta deshaci di normalidad mundial!
Eleccion por ta na caminda. Pero no mester hunga cu e pan di Aruba pa haya puesto politico!
Related News
“Nunca RAIZ a acerca ningun hende di oposicion pa forma un pacto pa vota pa Kamperveen”
Aruba a haya cuatro unidad nobo di Ambulans
Chibi van der Hans a entrega su obra ‘Lab Volume One’ na directora di Biblioteca Nacio...
