This content originally appeared on Diario Online.
ORANJESTAD (AAN): Riba Diaranson mainta, muchanan di scol a yega te den Misa Santa Anna na Noord, pa asina nan a ricibi cruz di shinishi.
Di e forma ey e muchanan ta siña cu nan ta keda henter dia cu e cruz marca riba nan frenta, y a haya splicacion di su motibo.
Diaranson di Shinishi a marca e comienzo di 40 dia di Cuaresma, sirbiendo como un dia solemne di yuna, arepentimento, y reflexion pa Cristiannan, particularmente Catolico y hopi tradicion Protestant. E ta nifica e comienso di un periodo di preparacion pa Pasco di Resureccion.
E shinishi ta simbolisa e deseo pa arepentimento pa pica y regresa bek cerca Dios, actuando como un señal visibel di un dedicacion interno pa conversion.
