Muchanan a celebra Dia Internacional di Derechonan di Mucha cu bishita di ‘Super Heroes’

ORANJESTAD (AAN):    Riba Dia Internacional di Derechonan di Mucha, varios scol a ricibi bishita di 'Super Heroenan'.

Esaki ta di siete biaha cu e Parada di Super Heroes ta wordo organisa, cu ta un colaboracion entre ImSan, Cuerpo Policial y Brandweer. Muchanan tabata sumamente entusiasma pa wak nan heroe preferi.

E Parada di Super Heroenan a bishita un total di 7 scol, cuminsando na Colegio Hilario Angela, Tarcisius Kleuterschool, Dornasol, Emmaschool, Briyo di solo / Bibito Pin, Dununman (Piedra Plat) y Colegio Ora Ubao (Tanki Leendert).