Motociclista sin helm envolvi den accidente na Pos Chiquito

ORANJESTAD (AAN):  Un accidente serio a sosode net Diabierna atardi entre un brommer y un auto.

riba e caminda di Pos Chiquito cu ta bay pa Tele Aruba.

 Informe ta mustra cu rond di 4:30 pm polis y ambulance a sali pa Pos Chiquito pa atende un accidente y na yegada a topa cu accidente entre un brommer y un Nissan Cube color bruin.

 Banda di e auto a haya un motociclista hoben seriamente herida cu golpinan fuerte na cara kende tabata sangra hopi. E motociclista tabata tin su helm bisti y  e impacto a resulta den e area ey sin proteccion.

Por a compronde di e chauffeur di e Nissan, cu e tabata bayendo cas despues di traha y a bay bira na su man robes y no a mira e brommer cu tabata casi eynan mes y riba un velocidad.

E impacto tabata hopi fuerte na e banda drechi di e Cube na altura di e windshield. 

Paramediconan a traha hopi lihe cu e motociclista pa hib'e Hospital. Mester a pidi ayudo di polis pa cera algun caya pa nan por yega mas lihe posibel. 

Polis di trafico na e sitio a pidi pa BFTO (departamento tecnico) pa compila evidencianan di e accidente serio aki y por saca afo kico precis a sosode.