Motociclista sin helm a keda gravemente herida

ORANJESTAD (AAN): Diahuebs merdia rond di 12’or, polis a responde na un yamado na Sero Preto, Paradera,

caminda a indica cu a sosode un accidente di trafico entre un brommer y un auto. Ora polis a yega na luga di incidente, nan a topa solamente un brommer y e motociclista herida gravemente. A resulta cu e hoben ariba e brommer, pa algun motibo, a perde control y a cay cu e brommer, lastrando algun meter riba caminda, unda tabatin marca di rasca.

   E hoben no tabatin helm bisti y a haya un golpi fuerte na su cabes. E ‘Rapid Responder’ di Ambulance a yega na e sitio y Paramediconan a cuminsa duna prome auxilio, mientras tabata wardando cu e Ambulance. Trauma fuerte na cabes a causa dolornan fuerte, loke ta un indicacion di un golpi serio. Polis di trafico y ambulance a yega pareu; Paramedico ya tabata cla cu e hoben pa nan por a hib'e Hospital.