Ministro Plenipotenciario di St. Maarten a bishita Embahador di Australia

DEN HAAG: Recientemente Ministro Plenipotenciario di St. Maarten na Hulanda, esta Drs. Gracita Arrindell a haci un bishita di cortesia na na Hulanda cerca Embahador Dr. Greg French di Australia.

   Durante e reunion aki, varios asunto a wordo discuti manera seguridad di alimento, agricultura, cria di bestia y pesca, construccion sostenibel, energia solar, resiliencia di infrastructura, y partnershipnan di sector priva/publico.

   Embahador Dr. French a papia di e experiencia di su pais cu Horcannan similar cu St. Maarten, cu ta wordo yama ‘Ciclon’ den e parti ey di mundo.  Construccion sostenibel tabata un prioridad pa gobierno di Australia debi na e menaza natural aki.

   Ministro Plenipotenciario a comparti recien desaroyonan riba e Agenda di Resiliencia na St. Maarten, y a enfoca riba e dedicacion continuo di e isla pa ta bon prepara, y tambe pa reforza colaboracion regional y internacional.

   Encuanto energia solar, e Embahador di Australia a splica cu na su pais tin hopi uzo di panelnan solar riba dak di casnan, y esaki ta wordo sosteni via partnershipnan priva/publico.  Ademas di ta bon pa medio ambiente, e sistema ta spaar hopi tambe.

   Nan lo sigui papia despues cu otro riba dialogo habri y constructivo, y lo por traha hunto pa check oportunidadnan caminda cu St. Maarten via partnership cu companianan na Australia, por haya panelnan solar pa uzo riba daknan di cas na St. Maarten.