Ministerio Publico no lo sigui tuma beslag di stembiljet

ORANJESTAD (AAN) - Den ultimo dianan, Ministerio Publico ta wordo acerca pa loke ta trata  supuesto iregularidadnan durante e ultimo eleccion.

E supuesto iregularidadnan aki ta wordo comparti mas tanto riba social media.

E responsabilidad pa eleccionnan cana bon ta den man di Conseho Electoral di Aruba. Y Ministerio Publico a indica cu e meldingnan aki mester wordo entrega of haci na Conseho
Electoral. Ministerio Publico a enfatiza cu nan no lo sigui cu tuma beslag di stembiljet, no tin base legal pa esey.

E meldingnan cu a drenta cerca Ministerio Publico lo wordo manda pa Conseho Electoral di Aruba.