Minister Maduro hunto cu Gobernador a yama e barco Logos Hope bonbini y a haci apertura di e feria di buki riba awa

ORANJESTAD (AAN): Recientemente, Minister Maduro di Cultura tabata tin e placer pa hunto cu Gobernador Alfonso Boekhoudt,

yama e barco Logus Hope bonbini na Aruba. Pa e ocasion special aki, Minister Maduro a hiba palabra pa yama bonbini y gradici e Capitan, Director y ful e tripulacion di Logus Hope, pa e bunita trabou di mantene un feria di buki riba e barco cu ta biaha pa diferente Pais hibando e sabiduria, yudansa y speransa cu e palabra di Dios ta trece cune.

   Minister Maduro hunto cu Gobernador, e Capitan y e Director di e barco Logos Hope, a corta sinta pa haci e apertura oficial di e feria di buki riba awa. Despues a sigui un recorido den e libreria unda por a aprecia e coleccion di buki cu lo ta disponibel na un prijs reduci pa e bishitantenan di e barco Logos Hope.