The content originally appeared on:
Diario
Minister Presidente Evelyn Wever-Croes:
El a caba di haya un suma grandi den presupuesto pa ehecuta esaki
ORANJESTAD (AAN) – Prome Minister mr. Evelyn Wever-Croes, den entrevista cu DIARIO, a sigui elabora tocante e carta di OPPA y su preocupacion riba varios area cu ta afecta e adulto mayor.
E mandatario a expresa cu pa loke ta cuido mes, Minister Ursell Arends, encarga cu asunto di adulto mayor, tin plannan elabora. El a caba di haya un suma basta cuantioso aloca riba presupuesto tambe, y e ta spera cu enberdad e logra e plannan cu nan ta elaborando den e sector aki.
“E tambe tin un comision cu ta trahando riba dje, y si nos logra, e ora ey ta pone enfasis caminda cu mester ta; pasobra nos poblacion ta enveheciendo, nos tin verkrijzing, kiermen si awo nos no por atende cu e problema, den futuro e ta bay bira hopi peor. Nos a caba di sali di un pandemia, e tabata un struggle pa para bek riba nos pia, awo nos ta para riba nos pia y nos tin mas fondo, y nos a aloca mas fondo tambe pa esaki”, e mandatario a reitera.
Prome Minister a afirma cu e puntonan aki tin atencion di gobierno y den comunicacion cu OPPA nan ta preparando un Comision pa por atende hunto OPPA, e puntonan cu nan a trece dilanti den su ultimo carta.
