Melody Franken corona como Reina di Tumba Hubenil

ORANJESTAD (AAN): Diasabra anochi, na final di presentacion di e cantantenan pa Festival di Tumba Hubenil,

e cuerpo di hurado a bay conta punto pa asina den un forma relampago a haci anuncio final.

   Esaki pues a ser haci prome cu e Festival di Tumba Grandi mes a start.

   Como Resultado y cu hopi apoyo di publico, a anuncia cu Reina di Tumba Hubenil a bira Melody Franken cu e cancion ‘Ban Cumi’.  Esaki ta un composicion di Chendell Beaumont y aregla door di Dwight Leoneta.

   Di dos lugar di Tumba Hubenil a bay pa Jaylon Machado cu e cancion ‘Amor’.  Di tres lugar di Tumba Hubenil a bay pa Stephanie Quant cu e cancion “Ey mi ta bay”.

   Demas premionan: E demas premionan pa e anochi, ta cu Best Costume su premio a bay pa Jaylon Machado.  Premio di Mas Ambiente a bay pa Melody Franken.  Premio di cantante mas popular a bay pa Melody Franken.  Premio di Rookie of the Year a bay pa Jaylon Machado.

   Potret aki pa cortesia di SMAC.