Maria College contento cu resultado di Caribe Wave 2025

ORANJESTAD (AAN): Siman pasa, e alumnonan di Maria College MAVO na Playa tambe a participa exitosamente den e training y simulacro yama ‘Caribe Wave 2025’.

   Na e training regional aki, nan a ricibi guia di Crisis Management Office (CMO) Aruba.  Nan meta ta pa ora alarma sona, cu tur alumno lo sa di cana den forma corecto y sin drenta den panico for di nan edificio di scol, pa un distancia di 650 meter leu y yega asina na e parkinglot di RCA Arena, cu tabata nan ‘Meeting Point’.

   E alumnonan a compronde e nificacion di e training aki, y nan tur a comporta nan mes bon.  Na final, e team y alumnonan di scol sa nan tarea pa cualkier eventualidad di menasa di tsunami.