Luznan di Pasco a cende na varios lugar caba

ORANJESTAD (AAN): Den fin di siman, varios lugar unda personal di DOW a instala luznan di temporada, a wordo cendi oficialmente.

   Briyante a keda e boca di Lagoen net banda di Lloyd G. Smith Boulevard cu su luznan cu ta manda nan splendor riba e awa.

   Por a nota cu e Spiral Rotonde dilanti Aeropuerto tambe a haya su decoracion.  Dilanti oficina di Gobierno tambe a cende un kerstboom grandi.

   Ta conoci cu luznan di Pasco ta alegra un ser humano. E luznan por pone bo curpa produci dopamine, cu ta e quimico di ‘sinti bon’ den bo cerebro.  Cu e experiencianan di luz aki, e ser humano tin e reaccion fisiologico di bo curpa cu ta yudabo di ta mas alerta, mas conciente, y trece mas sentimento di felicidad.