Leerorkest Aruba a haya donacion di instrumentonan musical pa e muchanan

ORANJESTAD (AN):  Na Januari di e aña aki Leerorkest Aruba a cuminsa cu su lesnan online di AMV (Algemene Muzikale Vorming) na 5 scol, Graf van Zinzendorf, Paulus

School, SOAZA, Colegio Laura Wernet Paskel y Prinses Amalia Basisschool.

E siman aki cada scol a haya un pakete cu ta consisti di dos set di boomwackers y diferente instrumento ritmico manera maraca, clabiyo, tambourine etc. Esaki tabata posibel danki na e donacionnan di Rotary Club of Aruba y famia Bastemeijer y van Haaren.

Den nomber di e muchanan di e scolnan piloto, “masha danki”! Nan ta masha agradecido pa e bunita donacion aki!

Si abo tambe kier haci un donacion sea cu placa of instrumento, por fabor tuma contacto via nan  website: www.leerorkestaruba.org

Pasobra Musica ta pa Tur Mucha!