Landsrecherche a detene un sospechoso den e caso di pruebanan di vacuna falso

Esnan cu a haya certificado falso tambe ta conoci

ORANJESTAD (AAN):  Algun luna pasa a sali na luz publico cu tabata tin un caso andando unda a bin constata cu personanan sin escrupulo a falsifica certificadonan di vacuna contra Covid-19 y cu tabata tin certificadonan falso riba caya.

            Den e caso aki, Ministerio Publico a informa cu Diamars, Landsrecherche a detene un sospechoso den e investigacion di pruebanan di vacuna falso.

            Den e investigacion aki mas sospechoso a keda deteni. Mientrastanto e personanan cu a adkiri un prueba di vacuna falso tambe ta conoci.

            Posesion y uso di un prueba di vacuna falso ta castigable pa ley. Viaha cu un prueba di vacuna falso tambe por hiba na problema den exterior.