The content originally appeared on:
Diario
ORANJESTAD (AAN): Dia 16 di september 2024 señora Lilly Peterson y señora Vera Croes ta invita e adulto mayor y su famia
cordialmente pa ta presente na nan proyectonan en relacion cu Aruba su historia di sclavitud transatlantico.
Dia 16 di September benidero Thico, un esclavo di Aruba, ta bay worde conmemora durante di e proyecto Caquetio, Africano, Europeano: Nos tur ta un famia cu ta bay tuma luga na Club Kibrahacha 60+, Archivo Nacional y Museo Archeologico.
E encuentronan ta cuminsa cu un conmemoracion di nos esclavo Arubiano Thico. Nos ta bay para keto na Thico su acto historico. Esaki ta sigui cu un presentacion di e proyecto Caquetio, Africano, Europeano: Nos tur ta un famia. E proyecto aki ta consiti di un charla, un video special traha pa e adulto mayor y un encuesta. E proyecto a cuminsa dia 8 di november 2023 y e ta bayendo na su final.
E encuentro ta worde clausura cu poema y pintura di Vera Croes y su alumnonan contanto nos via un manera creativo storia en relacion cu sclavitud di Aruba.
E prome encuentro riba 16 di september ta tuma luga na Club Kibrahacha 60+ di 9-11:30 am. E di dos na Archivo Nacional Aruba di 1:30-4 pm y e di tres na Museo Archeologico Nacional Aruba di 7-9 pm. Acudi y haya sa mas di Aruba su historia di sclavitud y bo conexion cu esaki.
