Inmigracion Aruba cu cambio riba plataforma nobo ED-Card entrante awe

Tene cuenta!

ORANJESTAD (AAN):  Inmigracion Aruba (IA) ta anuncia cu entrante 30 di october 2024, tur bishitante na Aruba lo por ricibi un cualificado (anteriormente yama “ok to board” cu e marcado berde) riba e plataforma nobo ED-Card  di Aruba, https://edcardaruba.aw/.

            Cambionan notabel ta e apariencia general di e plataforma y e cualificado. E biahero por yena esaki un siman prome cu nan biahe pa Aruba. Esaki ta aplica pa entrada na aeropuerto y puertonan maritimo.

            E plataforma nobo di ED-Card di Aruba ta un esfuerso pa acelera y standarisa e proceso na yegada, manera un documentacion necesario cu mester wordo yena prome cu yegada.