The content originally appeared on:
Diario
Presidente Edgard Vrolijk:
ORANJESTAD (AAN) — Pa locual ta independisacion di Parlamento, esey ta hopi leu; e cambio constitucional falta y tambe Departamento di Recurso Humano (DRH) tin cu manda loke ta e inscripcion nobo di tur e trahadornan.
“Esey ta den man di DRH cu DVJZ; esey ta e punto final pa independizacion y un bez cu eseynan ta cla y finalmente DRH ta tuma e decision final”, Presidente di Parlamento, Edgard Vrolijk a comenta.
Ora tur e procesonan aki keda cla, Independisacion lo keda cla, y e ora ey Parlamento por fiha su mes riba e fondonan, tin cu bay firma un par di acuerdonan cu Finanzas, pa Parlamento haya regla asunto di pago, etc.
“E ora ey, na momento di nombra un trahado, por ehemplo, ya no mester pasa mas via Minister di Asunto General, akinan decision ta wordo tuma, y asina ora un trahado di akinan ta bay. Tin cosnan cu lo beneficia aki mas facil, kiermen nos ta den fase final”, Presidente di Parlamento a señala.
Señor Vrolijk ta spera cu esaki drenta na vigor na 2025 y e ta spera cu, cu Dios su poder por termin’e ainda prome cu e caba su fase aki como Presidente di Parlamento.
“E construccion ta riba su caminda, na October aworaki lo ta mudando, preparando pa cuminza, procesonan ta ‘in place’, kiermen, ampliacion di e sala tambe ta bay ta cu mas modernizacion. Tur cos ta cana manera mester ta, y hopi cos a wordo haci den e corto tempo aki”, Edgard Vrolijk, Presidente di Parlamento a duna di conoce.
