ORANJESTAD (AAN): Conseho di Minister di Reino a bay di acuerdo cu e nombramento di prof. dr. Paul Hilbers como miembro nobo di e tres Colegionan, riba proposicion di Hulanda.
Señor Hilbers ta sucesor di señor Hans Hoogervorst. Anteriormente, riba 31 di october 2025, Conseho di Minister (di Reino) a nombra drs. Hans Hoogervorst como Presidente di e tres Colegio di supervision financiero (Cft), como sucesor di Lidewijde Ongering, kende a ocupa e funcion di Presidente pa tres aña. Tanto Paul Hilbers como Hans Hoogervorst ta cuminsa den nan funcion nobo entrante prome di februari 2026.
Despues di a studia matematica na Rijksuniversiteit Utrecht y econometria y economia internacional na Vrije Universiteit Amsterdam, Paul Hilbers a desaroya un carera den sector financiero. Den e periodo ey, e tawata asocia pa hopi tempo na Nederlandsche Bank, entre otro como Director di Supervision di Politica y Director di Stabilidad Financiero. Presidente saliente Lidewijde Ongering ta desea tanto Hans Hoogervorst como Paul Hilbers hopi exito den nan funcion nobo.
Related News
Minister Dowers ta satisfecho con e proceso di regularizacion di imigrantenan ta bayendo
E dos polisnan envolvi den e caso di Pos Abao ta den man di Psikiatra
WEB ta bay tin servicio pa yena boter di awa durante Parada na Playa
