Henry a bay cobra su premio di wega di Zodiac

ORANJESTAD (AAN): Un di e popular weganan di Lotto na Aruba keto bay ta Zodiac.  Aki bo ta escoge un number consistiendo di cuatro cifra, y bo ta agrega un signo zodiacal y asina bo ta den wega.

   Esey ta exactamente loke Henry a haci, cumpra su numbernan y el a gana tambe.

   Pesey riba Dialuna el a acudi na oficina di Lotto na Playa pa reclama su premio.  Aki mesora e empleadonan a check si el a firma e ticket, y asina a scan e barcode.  Computer mesora a indica cu Henry a gana e suma di 12.500 Florin cu e wega di Zodiac Anochi.

   Electronicamente nan a transferi su premio pa e cuenta di banco, y Henry a indica cu e ticket ganador mes el a cumpra na Get Rich Yu Xia.