Gobierno ta bay percura pa atende cu problematica di autonan bieu den cura

Segun Minister Ursell Arends:

ORANJESTAD (AAN):  Un di e temanan cu semper ta bin ariba mesa ta esun relaciona cu e cantidad di autonan bieu cu tin den tur bario y cu ta bira na final di dia un mahos bista.

Segun Minister Ursell Arends, ya caba tin un compania cu ta procesando esaki y awor cu Cuerpo Policial y Bureau City Inspector tabata tin combersacionnan riba e problematica aki.

Un bes cu e 'pitch event' tuma lugar y cu asigna e companianan of e personanan cu ta bay atende cu e asunto aki, gobierno lo zorg pa e cuadro legal pa percura cu cada un di e companianan aki por opera y atende cu e problematica di desperdicio cu tin den comunidad, Minister Arends a splica.

Esaki lo wordo haci den su totalidad y e autonan bieu cu tin den cura, tambe lo percura pa atende cu nan, e mandatario a duna di conoce.