The content originally appeared on:
Diario
Leonardo Figaroa di Partido PDP
Mas di 9.500 hoben lo tin e derecho di voto e siguiente eleccion
Esaki ta traduci na 3 asiento sigur mas un restzetel
ORANJESTAD (AAN): Leonardo Figaroa di Partido Direccion Politiea a comenta cu nunca antes den historia, e generacion aki tabatin un poder asina influencial dentro di un eleccion. Pa es motibo mes pa PDP e ta importante pa conscientisa y mobilisa e grupo di votadornan aki pa asina nos por haya un parlamento di Aruba mas representabel.
Como 37 aña sin bos berdadero: Hobennan ta e grupo demograficamente cu menos ta worde acerca pa vota, e ta e grupo mas critico y si bo puntrami awe e generacion-Z ta un generacion hopi mas bon informa cu un paar decadas atras.
Nos ta curioso pa haya sa tur informacion y tambe ta hopi autocritico riba gobierno na momento cu algo bay robes. Mi tin confianza cu nos generacion por haci e diferencia, a nos ta e grupo cu lo por influencia e siguiente eleccion den un forma grandi. Nos tin cu mobilisa y percura cu nos por logra haya representacion den Parlamento di Aruba.
E temanan importante pa Gen-Z: Entre sostenibilidad, educacion, mas cheks and balances, pobreza structural y mas oportunidad ta e puntonan di enfoke cu PDP kier garantisa nos hobennan cu nos por cuminsa traha riba un maneho integral y structural cu lo por percura pa mas hoben keda Aruba y haya e yudansa necesario pa crea e opportunidad cu nan ta desea pa nan mes.
Nos proposicionnan: E proposicion di PDP ta un contrato social: Next gen, durante mucho decadasnan politiconan a goberna solamente teniendo cuenta cu e siguiente eleccion. Plan pa e siguiente generacion? cero, pero esaki ta nos oportunidad pa cuminsa traha riba solucionnan structural cu lo tene cuenta cu e siguiente generacion:
(1) Inverti 248 miyon den un pakete di sobrevivencia, bestaanszekerheidpakket, lo garantisa cu e grupo di hobennan studiante vulnerabel lo por haya un sosten financiero aditional.
(2) Inverti 300 miyon den education, pa nos por crea un pillar economico cu ta consisti di un economia di conocimento, e ta crucial pa gobierno di Aruba tin mas ambicion na momento cu mester pusha studiantenan caba nan estudio universitario. Nos ta propone pa dentro di 4 aña nos por yega 10% minimo di empleadonan den e mercado laboral cu lo tin un diploma universitario. Redobla e porcentahe di studiantenan di EPI, IPA cu ta termina.
(3) Introduci e fondo nacional di enseñansa back pa facilita e proceso di digitalisacion y accesibilidad di educacion pa tur studiante.
(4) Introduci un fondo di desaroyo pa hubentud, e ta importante pa fascilita e entrepreneurial mindset, ademas di por stimula hobennan pa por logra nan metanan si nan ta desea di por cuminsa nan negoshi propio.
(5) Inverti structuralmente den deporte pa por tin mas hobennan cu por usa deporte pa cultiva disciplina den nan bida personal y representa Aruba internacionalmente. E vision lo ta pa Aruba por logra haya su prome medaya olympico.
Con ta libera fondo: 56 mil Florin como obligacion financiero di cada hoben ta inacceptabel. Pesey nos ta keda propone medida y reforma pa reduci e gastonan structural di gobierno. Elimina tur e beneficionan cu politiconan tin aworakinan, manera overbruggingstoelate, pensioenregeling y corta den e bezoldiging pa asina por libera fondo pa por inverti den e fondonan necesario cu nos tin mester.
E aspecto financiero ta uno preocupante, pero cu e cambionan structural mi ta convenci nos lo por logra libera miyones pa por inverti den e siguiente generacion.
