Gasolin ta baha awe cu casi 5 cen

ORANJESTAD (AAN): E trend mundial di caida di prijs di productonan petrolero, ta sigui wordo reflexiona na Aruba.

   Minister di Asuntonan Economico, Comunicacion y Desaroyo Sostenibel ta anuncia e prijsnan nobo di benta di combustibel entrante awe 11 deember 2024:

   Gasoline unleaded-premium lo baha cu 4,7 cen, pa wordo bendi awor na 233,7 cen pa liter.

   Diesel Low Sulphur ta baha cu 0,6 cen, pa wordo bendi awor na 205,6 cen pa liter.

   Kerosin tambe ta baha cu 0,7 cen, pa wordo bendi awor na 181,2 cen pa liter. E prijsnan ta inclui BBO/BAZV/BAVP.

   Den region tambe por a nota cu prijs di gasolin ta bahando.  Na Curaçao e prijs a baha cu 2,0 cen.  Tabatin caida tambe di prijs na Jamaica y e.o. Puerto Rico,

   Na Merca tambe, prijs di gasolin ta na e punto di mas abao desde 2021.  Eynan e prijsnan abao di gasolin ta un prueba cu e pais ya no ta pasando mas den inflacion.  Ademas ta normal cu prijs di gasolin ta baha den temporada di herfst y winter.

   Semper prijsnan abao ta haci chauffeurnan bia contento, specialmente awor cu Dianan di Fiesta ta acercando.