Entrante aña 2025 no ta otorga e plach’i numbernan chikito mas manera antes

Departamento di Impuesto ta remarca:

ORANJESTAD (AAN):   Departamento di Impuesto (DIMP) ta recorda tur automobilista cu pa e añanan 2025-2029  ta otorga unicamente e plachinan di number grandi. Entrante aña 2025,  no ta otorga e plachinan chikito mas manera antes.

            Pues, tur automobilista cu a paga e impuesto di mita of ful aña 2025 ta haya e plachinan grandi solamente.

            Na e automobilistanan cu ta pagando nan impuesto na e momentonan aki, please haci un cita pa busca e plachinan. Mester haci e cita despues di haci pago di impuesto. Corda cu e seguro mester ta valido pa por haya e plachinan di number.