ORANJESTAD (AAN): Diabierna pasa, Giovanny Nicolaas a finalisa y ricibi su certificado como Instructor oficial di K-9.
Management y Staf di Departamento di Aduana ta felicita nan colega, kende actualmente ta Supervisor di nan K-9 team. Giovanny ta eherce e trabou aki desde aña 2019.
Den presencia di Director, Chef di seccion Douane Recherche, Instructornan di cacho di e instituto Scent Imprint, e keurmeesternan cu ta yuda na momento di keur e cachonan, su coleganan di Douane K-9 team, como tambe Chef AZ y Stafmedewerker P&O, a haci entrega di su certificado pa e curso Detectie-Instructeur.
Departamento di Aduana ta gradici e instituto Scent Imprint pa nan experticio y guia pa Giovanny den su opleiding. E tremendo teamwork aki ta existente desde aña 2015 y siguramente ta refleha den e trabaonan diario di nos K-9 team.
Por ultimo Departamento di Aduana ta gradici Giovanny pa e calidad di su trabou y empeño, y ta desea Giovanny exito y perseverancia den su carera como Instructor di K-9 pa Douane.
Related News
AHATA y ASD a haci donacion na studiantenan di EPI HORECA
Cambionan na Museo Arquelogico den cuadro di Proyecto Manteniendo Nos Herencia Bibo Den Tempo
DOW ta corda aplicantenan cu nan ta comunica solamente cu doño y no cu arkitecto
