Diseñador Arubiano Jairo Erasmus cu su coleccion na New York Fashion Week

ORANJESTAD (AAN): Den e luna di September a tuma lugar e famoso y prestigio evento na Time Square cu ta e New York Fashion Week. 

Un evento hopi grandi na nivel mundial cu ta acapara atencion di mundo henter cu ta tuma lugar e promer siman di e luna di September.

   Diasabra 10 di September tabata e turno di e diseñador Arubiano Jairo Erasmus residencia na Puerto Rico pa mas cu 20 aña caba, y el a presenta su coleccion Urbano yama MÁXIMO na honor di su recien fayeci Tata.

   Den su modelonan destaca for di Puerto Rico y Merca, tabatin 3 top model for di Aruba cual nan ta Zury Ruiz, Alexia Chin, y Sharlena Clarinda kende nan a sa di briya riba e pasarela di New York Fashion Week y laga e nomber di Aruba den halto.

   Finalizando e pasarela a modela cu e bandera di Aruba den persona di Alysha M. Hardeveld, kende ta subrina di e diseñador Jairo Erasmus.

   Jairo a carga e bandera pa Puerto Rico como su segundo cas. Den e 12 aña nan di e organización the Society Fashion Week, Jairo Erasmus ta e promer Diseñador Arubiano cu a participa.

   Riba e potretnan aki por mira modelonan di Aruba, Puerto Rico y Merca, diseñador Jairo Erasmus, y famia cu a bay presencia e siman di moda .