Diesdos alumno di EPB Oranjestad tabata na Curaçao pa haya sa mas di agricultura

ORANJESTAD (AAN): Den luna di December 2024, EPB Oranjestad a participa den un viahe cu 12 alumno local, cu a sali pa Curacao pa un studie trip tocante agricultura.

   Despues cu Aruba a comparti cu Curacao e conocimento di agricultura na Aruba, e studiantenan haya e oportunidad pa conoce e mundo di agricultura na Curacao.

   Riba combinacion di potret por mira e prome dia di yegada na Curacao. E di dos dia e alumnonnan a bishita VSBO Maristella cual ta un scol mescos cu EPB unda cu nan a haya diferente charla educativo y a conoce e scol su opleidingnan di un manera mas practico.

   Na final di e dia na VSBO, e alumnonan a haya un lunch traha dor di e alumnonan di sector hospitalidad.

   Despues e rumbo a sigui pa bishita Hofi Cas Cora unda cu a mira un cunucu grandi di plantacion di matanan di diferente fruta. Bou guia di coordinadora di Yiu di Tera sra. Eman tanto e grupo di EPB como tambe di VSBO Maristella a traha T-shirt Tie Dye cu colornan saca di mata y blachinan di mata. E studiantenan local a siña hopi riba e dia aki.  E potretnan pa cortesia EPB Oranjestad.