Dienst Warenkeuring en Hygiëne di DVG semper tey pa brinda informacion riba cuminda saludabel

Segun señora Yvette Geermandi DVG:

ORANJESTAD (AAN): Unabes cu bendedornan di cuminda ta manipula cu cuminda, no solamente nan mester percura pa tin nan carchi di salud valido, pero sigur tambe mester tin conocemento di e manera cu ta maneha, prepara y conserva e cuminda. Sirbimento di cuminda semper ta keda algo hopi delicado y hopi riesgante.

   Ta hopi importante pa pone atencion na ki tipo di cuminda ta sirbi e publico y sa kico mester tene cuenta cu ne. Entre otro, sopi ta un cuminda cu tin su risiconan y mester tene cuenta cu e temperatura ora di cushina, y mester keda manten’e na e grado cu a cushin’e.

   Hefe di Dienst Warenkeuring en Hygiëne di DVG, señora Yvette Geerman ta enfatisa y ta pidi tur cu ta bende cuminda, pa busca informacion y por haci esaki libremente cerca e departamento aki, cu lo guia nan kico ta e procesonan y stapnan cu nan mester tuma pa evita cu cumindanan por ta bou di temperatura cu ta daña e cuminda.

   “Por busca e foyeto ‘5 yabi pa cuminda saludabel’ cu ta contene conseho y guianan pa tur esnan cu ta bende cuminda. Pero semper nos tey pa brinda mas informacion”, señora Geerman a duna di conoce.