The content originally appeared on:
Diario
ORANJESTAD (AAN): E seleccion di Aruba cu di U-15 cu recien a titula campeon di e competencia regional di CONCACAF teni na Merca, lo bay tin nan Parada di Victoria.
DIARIO a haya sa cu esey lo socede Diasabra cuminsando pa 11:00 am for di dilanti di Bestuurskantoor na Playa.
Prome cu esey, entre 10:00 am y 10:45 am, eynan mes lo tin un ceremonia unda Ministro di Deporte lo duna reconocemento na cada uno di e atletanan aki cu a sa di sobresali y hiba nomber di Aruba na halto.
Ruta di Parada: E parada pues lo sali pa 11:00 am, y lo bay pariba pasa banda di Linear Park, sigui bay te na Spiral Rotonde dilanti Aeropuerto, bay pa bario di Dakota, pasa despues den Playa cu Klip, sigui pa Rotonde di Sero Blanco, sigui pa Madiki, Ponton, y yega Rotonde Tanki Flip, sigui bay nort pasa dilanti Centro Deportivo Frans Figaroa, sigui pa Rotonde di Noord, bay pa Highrise Hotelnan, sigui pa Kudawecha, pasa door di Jaburibari, yega te Rotonde Paradera, y aki tuma direccion Santa Cruz pa finalisa na Urataka.
Tur hende ta ser pidi pa decora nan auto, y uni cu e Parada pa asina honra Team Aruba y Team All Stars.
