Delegacion di Aruba y Corsou a pose hunto na e Ceremonia

Na apertura na Panama2026

ORANJESTAD (AAN): Diadomingo anochi durante e ceremonia di inauguracion di e IV Weganan Suramericano di Hubentud Panama2026, delegacion di Team Aruba a topa cu e Delegacion di Curacao cu tambe ta aki pa participa na e Weganan.

   Comite Olimpico Arubano (COA) ta contento di mira nos isla ruman presente y cu un delegacion grandi, mustrando cu deporte na Curacao ta mira un desaroyo positivo den bienestar di e atletanan.

   Manera a combersa algun siman atras durante reunion cu e directiva y director di “Federashon Deporte i Olímpiko Kòrsou” (FDOK) ta bay traha riba amplia e colaboracion entre e dos paisnan, pa asina sigui eleva e nivel di deporte di ambos pais.