The content originally appeared on:
Diario
Yvonne Lee-Perez di DAO:
*Desde periodo di Covid-19 te actualmente
ORANJESTAD (AAN) – Yvonne Lee-Perez, di Departamento di Labor y Investigacion (DAO), den entrevista cu DIARIO a comenta cu Dia 12 di Augustus, a wordo decreta Dia Mundial di Hubentud, door di e Asamblea General di Nacionnan Uni, y Departamento di Labor y Investigacion ta haya toch, importante pa por saca algun informacion di datonan cu DAO tin, pa e grupo di hobennan aki.
DAO ta considera hoben esnan den edad di 15 pa 24 aña, y nan ta haci uso di diferente data standard cu nan tin, pa por trece un bista di con e posicion di e hobennan aki ta, na Aruba en general, riba mercado laboral.
“Esey nos por mira cu nos por haci uzo di e ultimo encuesta cu tin di mercado laboral na 2023, cu datonan mas reciente, pero tambe di otro datonan administrativo cu nan por trece e hobennan mas den ‘build’ pa wak con nan situacion ta”, Lee-Perez a menciona.
El a agrega cu den tempo di Covid-19 DAO a ripara cu e hobennan ta hopi vulnerabel y esey nan por a mir’e duidelijk cu nan ta un grupo cu a wordo afecta masha hopi mes.
“E tabata obvio tambe cu e tasa di desempleo di e hobennan a bay ariba te na 25.9%, manera a wordo midi e tempo ey. E ultimo cu nos a midi ta 11.1%, y esey, aunke nos mes a bolbe para keto e aña aki, riba e grupo aki, mirando cu na 2022 e tabata algo (un tiki) mas abao, nos a mira un crecemento chikito riba e desempleo, bao hobennan”, señora Lee-Perez a señala.
DAO a analiza e grupo aki mas di cerca y esey a pone nan build un tiki mas pa wak e hobennan aki, con nan ta posiciona. “Loke nos a mira ta, cu prome cu esey, e grupo tabata inactivo y ta mira cu tin un grupo cu a pasa over bay participa mas den e mercado laboral. Of nan ta trahando of nan ta buscando empleo y esey tabata obvio den e ultimo cifranan”, señora Yvonne Lee-Perez a subraya.
