Dama chauffeur herida cu basta golpi den accident riba Avenida Nelson Oduber

ORANJESTAD (AAN): Diadomingo marduga algo prome cu 2:00 am, Central di Polis a dirigi patruya riba Avenida Nelson Oduber, tiki pazuid di rotonde Sasaki pa un auto cu a accidenta y drenta mondi.

   Polis a yega y mesora a bay na e vehiculo, pa mira e situacion di e chauffeur femenino di un sedan Toyota color preto.

   Por a mira e rastro largo di e vehiculo cu a ser laga den e yerba, un posibel indicacion cu e dama a perde control ariba e auto y bay dal contra un mata.

   Debi na e impacto violento aki, e dama a resulta herida cu sla na cabes y na e lugar a compronde cu e tabatin herida cu keto bay ta sangrando. A pidi Ambulance cu a yega basta rapido.

   Paramediconan mes a yude baha di e auto cu tin stuurwiel na banda drechi, y hunto cu nan el a cana subi ambulance.