Cuerpo Policial a regala basket na cinco famia local

ORANJESTAD (AAN): Durante e siman di Pasco, un noticia positivo a drenta pa cinco famia local.  

Tur cos di berdad a cuminza como 8 aña pasa, ora un grupo di Polis a lanta e nomber di “Luz di Pasco” pa asina duna bek na comunidad na e famia cu mas mester di dje.

   Polis di distrito di Oranjestad, hunto cu Motor Unit y Bureau Slachtofferhulp y conhuntamente cu algun amigonan manera Dixie Bakery and Donuts (recien habri y situa na Sero Patrishi), como tambe Kimjen construction a uni pa un bon causa pa haci un famia feliz e Pasco aki.

   Cinco famia a haya un bishita inespera di amigonan Polis cu a bin carga cu man nan yen yen di articulonan manera comestibel pa asina nan tambe por tin un Pasco feliz maske cu e situacion ta difícil.

   Cada aña ta escohe un famia diferente pa asina nan tambe por pasa un Pasco Feliz y habri un aña nobo cu speransa.