The content originally appeared on:
Diario
ORANJESTAD (AAN): Diabierna 12 di juli 2024, a presenta e jaarverslag y jaarrekening anual di Corte di Husticia Comun
durante un conferencia di prensa na e sede di Aruba, Corsou, Sint Maarten y Boneiro.
E tema di e rapport anual, “Extranea lux, illuminatio interna” (bista di afo, inspiracion pa paden), ta pone enfasis riba e rol di Corte di Husticia Comun den sociedad. Corte di Husticia Comun ta meymey di e sociedad y ta hunga un rol activo.
E poder hudicial independiente ta mantene un relacion estrecho cu partnernan di e cadena den diferente pais. Esaki ta inclui cooperacion cu Ministerio Publico, Instancianan di Reclassering, Voogdijraad, Instancianan di Husticia, Ordo di Abogadonan, como cu ministernan y ehecutivonan di ley.
Ademas, tin cooperacion cu tribunanan y hofnan colega na Hulanda, Surinam y Europa. E partnernan aki ta crucial pa garantisa e estadonan di derecho y seguridad di e sociedad.
E rapport anual ta duna un bista general di e desaroyonan den e proceso primario y e maneho di Hof. Ademas, e ta contene entrevistanan cu ta conecta cu e tema y ta duna un bista di e influencianan di afo cu ta inspira internamente.
