Conteo Oficial di Fin di Aña na Aruba a inicia

ORANJESTAD (AAN): Aruba Astro Research Int. y centro di observacion ATSOC Aruba Time & Space Observation Center

ta informa cu Dia 16 di December 2024 e Conteo Oficial di Fin di Aña 2024 a inicia oficialmente aki na Aruba pa 5'or di atardi na momento cu a yega e ultimo 366 oranan di aña cu ta igual cu e 366 dianan di aña di Schrikkeljaar 2024.

            Durante un aña normal ta conta e ultimo 365 oranan di aña pa 6'or di atardi di dia 6 di December tur aña y cada cuater aña ta conta pa 5'or di atardi di dia 16 di december e ultimo 366 oranan di aña.

            Pa e motibo aki e aña aki 2024 cu ta un schrikkeljaar ta conta un ora mas trempan pa 5'or di atardi di dia 16 di december 2024. Dia 27 di December di tur aña pa 7'or di anochi ta conta e ultimo 100 oranan di aña. Mientras cu Dia 31 di December ta conta tambe e prome sitio y paisnan na mundo cu ta drenta aña nobo den e caso aki pa 5'or di marduga pa loke ta na Victor Bay na Antarctica como sitio y sigui pa 6'or di mainta di Dia 31 di December tur aña e prome pais na mundo cu ta drenta aña nobo esta Kiritimati sigui pa Chatham Island y New Zealand e tres prome paisnan cu ta drenta aña nobo na mundo.

            Despues ta sigui e conteo di Hulanda pa 7'or di anochi di Dia 31 di December y pa clausura e conteo ta conta e parti final di e conteo pa 11'or di anochi pa 12'or di mei anochi di aña nobo pa Sr.Marcos Bislip.                                                                                                                   E conteo oficial di fin di aña ta cumpli e aña aki 33 aña di Conteo Oficial di Fin di Aña y haci pa Sr. Marcos Bislip via TOP FM 95.1 y Blue FM 107.5 FM tur Aña.