Conseho Electoral a efectua tiramento di lot pa numeracion y color di listanan politico

No tabatin apelacion:

ORANJESTAD (AAN): Manera a keda anuncia siman pasa, a tuma luga un sesion publico dia 8 di November 2024 na Registro Civil y Censo y durante di esaki Presidente di Conseho Electoral (Hoofdstembureau),  Sr. Rossi Marchena a informa cu lo dicidi riba e validez di e lista di candidatonan cu a wordo entrega dia 18 di October, 2024.

            Un total di 13 partido a entrega nan lista di candidatonan pa participa den e eleccion

parlamentario dia 6 di December, 2024. Tur lista a wordo declara valido. No tabata tin apelacion segun ley, cual por a haci te dia 7 di november, asina Sr. Marchena a duna di conoce diaranson ultimo durante e tiramento di lot.

            Marchena a duna di conoce cu e sesion di diaranson tabata pa e numeracion di e listanan di candidatonan politico y asignacion di color na e listanan pa cu eleccion di Parlamento dia 6 di december 2024.

            Pa e motibo cu no tabatin apelacion, Conseho Electoral lo por a procede y asigna number y color na e listanan.

            Rossi Marchena a indica cu e numeracion y color di e lista ta tuma lugar via lot y el a keda di e siguiente manera:

MAS cu 7 candidato (Lichtblauw)
PPAcu 16 candidato (Oranje)
RAIZ cu 11 candidato (Lichtoranje)
HTC cu 4 candidato (Lichtroze)
CURPA cu 7 candidato (Donkerpaars)
Futuro cu 10 candidato (Magenta)
LpR cu 7 candidato (Rood)
RED cu 10 candidato (Wit)
ACCION21 cu 9 candidato (Donkerblauw)
MEP cu 29 candidato (Geel)
AVP cu 29 candidato (Groen)