Colegio Arubano a honra studiantenan cu a sobresali den prome examen

ORANJESTAD (AAN): Algun tempo pasa a tuma lugar e prome sesion di examen (yama tambe S.E.-1) na Colegio Arubano, tanto pa HAVO y pa VWO.

   Na e ocasion aki di “SE-1 Stars”, a yama tur e alumnonan cu a sobresali cu bon punto durante e S.E.-1, pa presenta durante prome pausa, na entrada di scol.  Aki cada uno cu a haya bon cifra pa nan prome examen, a ser yama dilanti y a ricibi un cariño chikito di aprecio.

   Di e forma aki ta pone spotlight riba nan, cu alabes ta sirbi pa sigui stimula tur e otronan pa haci nan best pa e siguiente S.E.-2 den nan last lap pa Examen Final di otro aña.

   E biaha aki, ademas cu “SE-1 Stars” a honra e studiantenan cu a sobresali den S.E.-1, tambe a honra e alumnonan cu ta cosechando exito den actividadnan pafo di scol.  Sigur un mainta yen di sonrisa y orguyo cerca esnan cu ta haciendo nan best.