Celebrando 100 aña realisando soñonan pa famia tin nan propio cas

Aruba Bank ta lansa campaña di Prestamo di Hipoteca

ORANJESTAD (AAN): Pa celebra su 100 aña como consehero financiero confiabel, Aruba Bank ta lansa su campaña di Hipoteca “The Homeowners– 100 Aña di Convertí Soño den Hogar”. E campaña aki ta honra un siglo di yuda generacionnan di famia logra nan soño pa bira doño di nan propio cas, awor ta bo oportunidad!

   "Danki na Aruba Bank, locual a cuminsa como un plan simpel, a converti den e cas di nos soño. Aruba Bank su ekipo a guia nos paso pa paso, awe nos ta orguyoso di bisa cu nos ta doño di nos propio cas, trahando hunto riba un futuro pa nos famia”.  Esey ta loke propietario di Cas cu Famia a declara.
   Aruba Bank ta invita henter comunidad di Aruba pa tuma e siguiente paso pa logra e cas di nan soño, cu beneficionan especial: (*) Cumpra Awor, Cuminsa Paga Despues di 6 Luna.  (*) Consehero di Hipoteca personalisa pa bo Prestamo di Hipoteca. (*) Termino di pago te cu 30 Aña.  (*) Interes Atractivo.
   Tambe, e campaña di “The Homeowners”, ta ofrece e cliente oportunidad pa gana “Premio Cash”: Probecha di e oferta special aki cu ta valido te cu dia 31 di augustus, 2025. Pues, pa tur aplicante desde awe te cu dia 31 di augustus, 2025, ta participa pa gana! Lo reparti un total di 50 mil Florin den premio. E premio mayor lo ta 25.000 Florin, segundo premio lo ta 15.000 Florin y lo saca 4 ganador tambe di cada un 2.500 Florin cash.
   Hunto nan ta traha riba bo futuro, y yuda’bo logra e cas di bo soño. Bishita nan website arubabank.com y traha bo cita usando e tool di E-appointment awe mes.