Celebracion di Fin di Aña y huramentacion di miembro nobo di Delta Aruba Leo Club

ORANJESTAD (AAN): Riba 19 di December cu a pasa, Delta Aruba Leo Club a tene su ultimo reunion di miembresia pa aña 2024.

   E tabata un momento pa reflexiona, celebra, y pone bista pa futuro. A celebra e logronan y proyectonan exitoso den aña 2024, y a refleha riba e impacto cu hunto nan a logra.  

Tambe tabata un oportunidad pa cuminsa planifica pa un 2025 mas grandi ainda. 

    E momento principal di e anochi tabata e huramentacion di dos miembro nobo den e famia di Leo Club. 

   Gabrielle y Klaas nan entusiasmo y pasion pa sirbi ta inspira nan, y e club ta hopi contento cu nan a acepta pa forma parti di e team aki.

    Un danki grandi na tur miembronan pa hasi e aña aki inolvidabel.  Y cu den 2025 nan por sigui cu e mision di sirbi, crece y haci un diferencia.