Cargamento grandi di cocaina intercepta na Santa Marta tabata rumbo pa Hulanda

ORANJESTAD (AAN): Autoridadnan na parti nort di Colombia, recien a detene dos persona cu ta parce di ta integrante di un grupo arma organiza

cu yama ‘Clan del Golfo’, y a intercepta 237 kilo di cocaina na ciudad di Santa Marta.  Awor autoridad via di investigacion, cu e cargamento miyonario aki tabata prepara pa wordo manda pa Hulanda.

   Den un truck di carga pisa, e 287 paki di cocaina tabata scondi.  Riba caya, e droga aki tin un balor comercial di US$ 14 miyon.  E droga aki tabata pertenece na e grupo arma organiza ‘Clan del Golfo’, y tabata cla pa wordo manda na un adres na Hulanda.  Esey ta loke coronel Jose Luis Agudelo a bisa, kende ta comandante di Segundo Brigada di Ehercito Nacional na Colombia.

   Durante un razzia cu a wordo ehecuta pa soldatnan militar, hunto cu Ministerio Publico, y Polis, nan a detene Felix Isidro Vera Guerrero (original di La Dorada), y Julian David Santiago Velasquez (original di La Calera), kendenan awor ta encarcela.

   Ministerio Publico ta prepara pa acusa nan di tin den poder y tambe di ta envolvi den transporte di droga.

   E droga tabata ser prepara pa wordo manda riba barco rumbo pa Europa.

   Potretnan aki cortesia: Ehercito de Colombia.