Cambio di clima ta stimula Belasting pa Turismo na mundo

​

Labour Day 2024 ta duna expresion na realidad economico internacional

*Magia di “sea, sun and strand” ta enfrenta gasto pa furor climatologico

*Calculacion di prijs pa servicio y atraccion den condicion nobo di clima 

ORANJESTAD(AAN)—Dialuna 2 di September 2024, Merca ta celebra su Labour Day, cu na Merca no solamente ta recorda e balor di trabou, pero tambe ta wordo considera e entrada na e ultimo parti di verano, cu ta 22 di September 2024.

Na September, un epoca nobo ta cuminsa na Merca, caminda na e partinan cu conoce e condicionnan di Verano y Invierno, bida diario ta conoce cambio tradicional.

E fin di siman di Labour Day 2024, ta ricibi atencion special pa e hecho cu como fin di siman largo, e ta brinda ocasion pa mas hende biaha y pasa nan dia di fiesta na otro parti di Merca of den exterior prome cu drenta e temporada di herfst y despues winter.

Na 2024, mientras na Merca cu ta productor mayor di turismo pa Aruba, ta wordo spera cu e cantidad di personanan cu lo biaha pa exterior of lo dicidi pa un vacacion na Merca, lo sigui subi.

Prijs di petroleo sigur ta influencia e cantidad di ciudadanonan Mericano  cu lo dicidi pa pasa nan vacacion na Merca of un destinacion den exterior.

Ta spera pues atrobe un aumento den e cantidad di turista cu Labour Day lo genera pa destinacionnan favorito pa Mericanonan, loke ta nifica tambe inversionan cu mester haci pa atende cu cambio di clima.

Cifranan a indica cu na Merca na 2023, parti di turista Mericano cu a biaha pa exterior y partinan di e pais reconoci como destinacionnan pa pasa zomer, a dicidi di bolbe cas prome cu tempo, debi na e calor insoportabel cu cual nan a wordo confronta.

E magia di “sun, sand and sea”cu ta uno di e motibonan principal di popularidad di Aruba tambe, a wordo afecta dor di cambio di clima na diferente destinacion na Merca y pafor di Merca.

No solamente den Caribe, pero na Europa y na destinacionan Oriental, paisnan mester a cuminsa atende cu e necesidad pa introduci un belasting pa turismo pa asina cubri gastonan di clima y inversionnan cu mester wordo haci pa por satisface e demanda moderno di turistanan.

Gastonan cu ta wordo haci mundialmente pa atende cu cambio di clima, servicionan moderno basa riba Inteligencia Artificial, awor mester wordo cubri cu produccion di belasting cu e turista mester paga na entrada di e pais

Belasting cu ta wordo cobra na turista actualmente, ta wordo considera e solucion pa na forma adecuado atende cu e exigencianan moderno di turista.

DIARIO a discuti e desaroyo aki cu informantenan experto, cu a indica cu turismo a percura pa nivel halto di bida na hopi pais cu tabata conoce condicionnan social sumamente dificil.

Turismo, sinembargo, ta exigi inversion continuo, cu a wordo aumenta na momento cu alarma a wordo bati pa cambio di clima, cu turismo ta afecta.

Manera informantenan a mustra, turismo a crea situacionnan su mester wordo atende riba diferente tereno; entre nan sigur clima cu turismo tambe a afecta.

Na Hawaii ta papia di un belasting pa belasting pa bishitante di $25, por ehempel.

Ora papia di inversionnan, informantenan ta papia di trabou di infrastructura cu comunidadnan mester realiza pa por sostene turismo pero tambe pa cubri gastonan cu turismo ta produci.

A wordo mustra riba medidanan cu a wordo tuma na diferente pais Europeo, incluso Hulanda, contra e problemanan cu ta wordo causa dor di turista irresponsabel pero tambe exigencianan moderno.

Cambio di clima sigur ta afecta e magia di solo y laman pa no papia mes di e solo y laman na Aruba, caminda participantenan den comercio grandi y chikito mester adapta nan mes na e exigencianan financiero cu turismo cu a cambio cu tempo cu a transcuri, conoce.

Un pais cu ta atrae turista mester mantene su infrastructura y asina haci gasto, loke ta afecta e entrada na turismo pasobra parti di e entrada na turismo mester bay pa atende cu asuntonan basico pa por sigui atrae turista.

DIARIO, a base di un luho di informacion, cu pa medio di calculacion di entre otro prijsnan cu ta subi, ta crea e balansa realistico pa turismo cu ta base di economia y asina bienestar na Aruba na tur nivel y den tur sector.

Condicionnan nobo di clima, sigur ta subi e necesidad continuo pa inversion, pa gasto den turismo, cu sector priva mester cobra su clientenan y pais mester introduci a base di belasting.