BMW a bolter riba WVB Boulevard keda mey-mey caminda

ORANJESTAD (AAN): Tabata Bispo di Aña Nobo, esta Diaranson 31 di December alrededor di 1:00 am,

cu Central di Polis a dirigi patruya urgente pa WVB Boulevard, como 55 meter pariba di e rotonde na Bushiri, como cu un vehiculo a bolter.

   E patruya di Playa cu a yega eynan, a nota cu no ta trata di un vehiculo, sino un auto sedan cu a bolter y keda cu su cuatro wielnan den halto.

   Ta trata di un sedan marca BMW, y a yega cerca y e topa cu e chauffeur, kende a splica nan cu e ta OK.

   Tur cos ta mustra cu pa un of otro motibo e chauffeur a perde control riba e auto, rancando un borchi di trafico.

   Caminda a wordo cera pa un rato, te ora takelwagen a presenta pa lant’e di eybao pa asina trafico por sigui move.