Bendedor di Lotto a sali un rato y ladron a bay cu tur benta di dia

ORANJESTAD (AAN): Diasabra atardi pa anochi a tuma lugar, bendemento di hopi ticket pa e sorteo di Lotto 5, cu e anochi ey tabatin jackpot di 2.1 miyon Florin.

   Un di e lugarnan cu tambe a bende bon, ta e rebendedor “Tele Uno 3” cu ta situa net na e entrada di e edifico den cual Op=Op ta opera na Paradera.

   Dado momento e bendedora a haye ta sali un rato di e casita y regresa pa sigui bende.  Sinembargo ora cu el a regresa, el a bin haya e porta di e casita habri, y oa di mira paden, a bin nota cu e caha di placa conteniendo tur placa cu a wordo bendi den dia, a somenta.

   Mesora a bati alarma, y Central di Polis a manda patruya di Santa Cruz rumbo pa e rebendedor na Paradera.   A bin nota cu enberdad esaki a socede, y nan a tuma declaracion di e bendedora y a notifica Recherche di Santa Cruz.

   E investigacion awor ta start.  No ta conoci exactamente cuanto placa nan a bay cune.