Barionan ta uni forsa pa e Bon Comun na Aruba

ORANJESTAD (AAN): Durante e parti final di e sesion di mainta di e Common Good Conference, representantenan di Mabon, Dakota, Bushiri, Bernhardstraat y Village a firma oficialmente

un acuerdo di cooperacion cu un meta cla: mehora cada bario y, paso pa paso, expande esaki pa mas barionan tur rond di Aruba. E momento a resalta e espirito di unidad y compromiso cu e conferencia ta representa.

Empatia, yuda otro, wak pa bisiñanan, check si tur cos ta bon, y duna otro un man ta balornan esencial cu ta forma parti di e bon comun. E acuerdo aki ta mustra con cambio positivo ta cuminsa den bario, unda hende ta cuida pa otro y ta traha hunto.

Cu e accion aki, e movemento di e bon comun ta sigui haya forma, conecta barionan y pone un base firme pa un Aruba mas fuerte, mas humano y mas uni.