Barco di Defensa Hulandes ta vigilando situacion rond di islanan ABC

ORANJESTAD (AAN): Manera ta conoci, e barco cu ta actua como ‘stationschip’ di Defensa Hulandes den region di Caribe,

ta nabega numeroso biaha a lo largo di costa di Aruba, Bonaire, y tambe Curaçao.

   E barco aki ta e wowo y orea di Defensa riba lama, y ta vigila e situacion di seguridad rond di e islanan.  Un detaye nobo emiti e siman aki, ta indica cu e vigilancia y monitor di e barco aki, ta parce cu e tension den region aworaki no ta forma ningun menaza directo pa e islanan ABC.

   Cu e presencia di e barco Zr.Ms. Groningen riba lama, e barco aki ta contribui asina na e seguridad den Caribe Hulandes.