Awor Mike y Gerlien por realiza Operacion Victoria di Evelyn!

Na 2017 un Aruba desespera a scapa su futuro sin Mike y Gerlien

• Awe Evelyn no mester sconde pa Pueblo manera Mike na 2017
• CAft lo vigila kico Mike lo haci cu Florin den huma y mas huma 

ORANJESTAD (AAN) Na 2017, Pueblo di Aruba a bolter e confianza politico cu el a entrega na Mike Eman na 2009 pa goberna e pais na 2017, cu tabata tambe e momento cu Gerlien Croes a dicidi pa uni su mes na Mike Eman, cu ya a duna tur prueba di mal gobernacion cu un pais por conoce.

   Gerlien Croes y Mike Eman a semper a crea e impresion di union y Gerlien Croes mester ta conoci cu e desastre cu Mike a duna nomber di gobernacion den su tempo.

Cielo a scapa Aruba di Nicolas Maduro cu na 2017, a base di e contracto cu el a cera cu Mike Eman mientras Merca a cera porta pa representantenan di Maduro den Citgo.

Pueblo di Aruba a keda sin e promesa di oro di refineria yeconomia di Aruba a bira un desaster total.

Un rapport di Algemene Rekenkamer Aruba a splica, con cu e proyecto “Bo Aruba” Mike Eman kier a spart 1.6 Biyon di Aruba.

Mike Eman na 2017 na careda, a bandona AVP como lider, a desaparece for di mapa politico di Aruba, cu Evelyn Wever-Croes mester a saca for di miseria.

Gerlien Croes a haci su entrada na Aruba den un confusion total y un AVP sin presencia di Mike Eman cu a perde for di bista. Pero for di 2017 Gerlien Croes a duna su cooperacion, su sosten, su lealtad politico na Mike Eman.

Di otro banda, for di  2017 Aruba, cu e maneho firme di Gobierno Evelyn Wever-Croes, a  bira un ehempel pa Reino y pa mundo pa e forma cu el a dicidi pa cambio despues cu hasta e pais a perde e contenido di su Status Aparte pa motibo di abuso gubernamental di Mike Eman cu a destrui e base financiero, economico y social di Aruba.

“Operacion Victoria”tabata e nomber cu Mike a duna su supuesto plannan durante eleccion 2017.

E no a haya e voto di Pueblo y a desaparece y laga na Evelyn Wever-Croes pa scapa Aruba.

Ta na man di Evelyn Wever-Croes for di  2017 Aruba a  bira un ehempel pa Reino y pa mundo pa e forma cu el a dicidi pa cambio despues cu hasta e pais a perde e contenido di su Status Aparte pa motibo di abuso gubernamental di Mike Eman cu a destrui e base financiero, economico y social di Aruba.

AVP a sigui dilanti cu entre otro Gerlien Croes, cu diripiente na momento cu otro scandal a rementa den cara di AVP pa medio di Caso Avestruz, supuestamente a aleha su mes di AVP.

Na Evelyn Wever-Croes a keda e tarea pa percura pa recuperacion di Aruba, cu a bira logro historico den Reino y a pone Aruba na top di paisnan respeta na mundo.

Ta na momento cu hasta Reino a pidi continuacion di maneho di Evelyn Wever-Croes, den Parlamento di Aruba,  Gerlien y Mike a bolbe uni.

Aruba a conoce un situacion politico inexplicabel cu Ministro Geoffrey Wever di Raiz como candidato pa e partido di Gerlien Croes.

Huma, huma, huma y mas huma ta rondona e proceso democratico di Aruba, cu pa ley mester ta transparente.

Awe Mike y Gerlien a uni atrobe y awor pa forma un gobierno. Nan mes ta bisa cu no ta dificil pa nan traha hunto.

E pregunta ta keda naturalmente pakico Gerlien mester a haci como sifuera e no tabata sinti su mes na cas cerca AVP, cu a awor mester entrega na grandinan e aumento di 700 Florin di pensioen cu cual el a cumpra tanto voto.

Otro pregunta ta keda, con Pueblo por kere ni confia ni Mike ni Gerlien cu awor mester demostra cu nan por continua cu loke Evelyn Wever-Croes a logra!

Tempo lo splica pakico na 2024 Gobierno Wever-Croes mester a bay cas!