Awe tin apertura Expo ‘Lamatera y Tintamarre’ na Biblioteca Nacional

ORANJESTAD (AAN): Manera cu DIARIO ya a trece dilanti, awe Diabierna, 16 di October 2026 for di 6:00 pm te cu 8:30 pm,

lo tin un exposicion di arte na Biblioteca Nacional Aruba, George Madurostraat 13, Oranjestad.

   E tema di e expo di arte ta Lama y Tera y e colornan resplandeciente di lama, sea den movecion of calmo, mira desde e perspectiva dual. Arte por cambia mundo.

    Apertura di un Exposicion di cuadra di dos artista pintor: Wouter van Romondt y Steve Francees. Titulo di e exposicion ta Lamatera y Tintamarre.

   Steve Francees y Wouter van Romondt ta hiba nos riba un biahe den tempo na lugarnan di mundo for di nan propio perspectiva, riba un buskeda di e esencia di arte y creatividad.

    Loke e conexion entre e mente creativo di un artista y su arte ta produci: E apertura di e exposicion Lamatera y Tintamarre lo keda sosteni pa dos presentacion di baile esta: ‘E casa di e piscado’, Aurelia Croes y Grupo Fundacion Savaneta y ‘Aruba pa Cuba’ pa Grupo Danzante bou direccion di Hannys Romero. E exposicion lo ta di dia 16 pa 28 di october.  Entrada ta gratis.